လမ်းခွဲတဲ့ သတင်း တဖက်သက် ကြေညာခဲ့တဲ့ သူရိယကို ဥပဒေနဲ့ အညီဆောင်ရွက်သွားမယ်ဆိုတဲ့ ဆုအိမ့်စံ

ဆုအိမ့်စံဟာ လမ်းခွဲတဲ့သတင်းတဖက်သက်ကြေညာခဲ့တဲ့ သူရိယကို တရားဥပဒေနဲ့ အညီဆောင်ရွက် သွားမယ်လို့ သူမရဲ့  ဖေ့ဘွတ်ေ ပ့ခ်ျမှာ ရေးထားတာတွေ့ရပါတယ်။

“သူရိယ၏ လမ်းခွဲသတင်းအား ဖြေရှင်းချက်

ကျွန်မ ဆုအိမ့်စံနှင့် သူရိယသည် လွန်ခဲ့သော နှစ်နှစ်ကျော် ကာလကတည်းက ချစ်သူတွေ ဖြစ်ခဲ့ကြပါသည်။ ချစ်သူတွေ ဖြစ်ခဲ့ပြီးနောက်ပိုင်း နှစ်ဘက်မိဘများ၏ သဘောတူညီမှုဖြင့် ၁၄.၂.၂၀၁၉ တွင် စေ့စပ်ကြောင်းလမ်းခဲ့ကြပါသည်။

စေ့စပ်ပြီးနောက်ပိုင်း သူရိယအနေဖြင့် လက်ထပ်ရန် အတွက် အစီစဉ်များကို ရွှေ့ဆိုင်းပျက်ကွက်လာကာ သဘောထားများ ပြောင်းလဲ၍ စေ့စပ်ကြောင်းလမ်း ဖျက်သိမ်းရန် သူရိယဘက်မှ တောင်းဆိုလာပါသည်။
ကျွန်မ ဆုအိမ့်စံ အနေဖြင့် ချစ်သူ ဖြစ်စဉ်ကနေ ယနေ့အချိန်ကာလအထိ သူရိယ အပေါ်အား ဖောက်ပြန်ခြင်း သစ္စာမဲ့ခြင်း ကျွန်မ၏ အပြစ် တစုံတရာ မရှိပါဘဲ တဖက်သတ် ဖျက်သိမ်းခြင်းသာ ဖြစ်ပါသည်။

ထို့အတွက်ကြောင့် ကျွန်မ၏ အကျိုးဆောင်မှ တဆင့် မင်္ဂလာပွဲ ကျင်းပရန် စီစဉ်ထားချက်အား အတည်ပြုပေးပါရန် ၁၆.၈.၂၀၁၉ တွင် notice စာ ပို့ခဲ့ပါသည်။ အဆိုပါ အကြောင်းကြားစာတွင် ၃၀.၈.၂၀၁၉ ၌ နောက်ဆုံးထား၍ အကြောင်းပြန်ပေးပါရန် ပါရှိပါသည်။

ယနေ့ Myanmar Celebrity page တွင် လမ်းခွဲသည်ဟု ကြေညာခြင်းသည် သူရိယ၏ တဖက်သတ် ကြေညာခြင်းသာ ဖြစ်သည်။ ထိုသို့တဖက်သတ် ကြေညာခြင်းအတွက် ကျွန်မဆုအိမ့်စံတွင် ဂုဏ်သိက္ခာ နစ်နာမှုများစွာ ရှိပါသည်။ ထို့ကြောင့် ကျွန်မ၏ နစ်နာမှုများအတွက် တရားဥပဒေနဲ့ အညီ ဆက်လက် ဆောင်ရွက်သွားမည် ဖြစ်ပါကြောင်း အသိပေး ကြေညာအပ်ပါသည်။

ဆုအိမ့်စံ” ဆိုပြီး ရေးထားပါတယ်။

ဆုအိမ့်စံနဲ့ သူရိယဟာ လိုက်ဖက်ညီလွန်းတဲ့ ချစ်သူတွေလို့ ပရိသတ်တွေက သတ်မှတ်ကြပြီး  ပရိသတ်တွေရဲ့ အားပေးချစ်ခင်မှုကို ရထားကြသူတွေလည်း ဖြစ်ပါတယ်။

Photo Credit

 

Related posts