ဂျပန်ယန်း ၃၂၇၂ သန်း ထိထောက်ပံ့မည့် စီမံကိန်း ၂ ခုအတွက်လက်မှတ်ရေးထိုး

ဂျပန်ယန်း ၃၂၇၂ သန်း ပမာဏအထိ ရှိတဲ့အထောက်အပံ့စီမံကိန်း ၂ ခု နှင့်ပတ်သက်တဲ့ စာချွန်လွှာ လက်မှတ်ရေးထိုးပွဲကို ဒီကနေ့ နေပြည်တော်မှာ ကျင်းပခဲ့ကြောင်း ဂျပန်သံရုံးက သတင်းထုတ်ပြန်ပါတယ်။

ဂျပန် နိုင်ငံဖက်မှ မြန်မာနိုင်ငံဆိုင်ရာ ဂျပန်သံအမတ် H.E. Mr. Ichiro MARUYAMA နှင့် မြန်မာနိုင်ငံဖက်မှ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးဆက်အောင်တို့ဟာ စီမံကိန်း ၂ ခု အထောက်အပံ့အတွက် လက်မှတ်ရေးထိုးခဲ့ကြတာဖြစ်ပါတယ်။

အဆိုပါစာချွန်လွှာများ လက်မှတ်ရေးထိုးပွဲသို့ရင်းနှီးမြုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသောင်းထွန်းလည်း တက်ရောက်ခဲ့ကြောင်း သိရပါတယ်။

(အထောက်အပံ့စီမံကိန်းများ၏ အကျဉ်းချုပ်နှင့် ပတ်သက်ပြီး ဂျပန်သံရုံးက အောက်ပါအတိုင်း ထုတ်ပြန်ထားပါတယ်။)

(၁) လေယာဉ်စောင့်ကြည့်ရေး စနစ် အဆင့်မြှင့်တင်ရေးစီမံကိန်း (ဂျပန်ယန်း ၂၈၂၈ သန်းအထိ) (Project for the Improvement of Aircraft Surveillance System) ဤစီမံကိန်းသည် ရန်ကုန်လေဆိပ်၊ မန္တလေးလေဆိပ်နှင့် နေပြည်တော်လေဆိပ်တို့ရှိ လေကြောင်းထိန်းရေဒါကို အဆင့်မြှင့်တင်မည်ဖြစ်ပြီး မြန်မာနိုင်ငံ၏ လေယာဉ်ပျံသန်းမှု ဘေးကင်း လုံခြုံရေးကို အဆင့်မြင့်တင်နိုင်ရန် ရည်ရွယ်ပါသည်။

(၂) ကျေးလက်ဒေသများအတွက် လယ်ယာလုပ်ငန်းသုံး စက်ပစ္စည်းများနှင့် ဆောက်လုပ်ရေးလုပ် ငန်းသုံးစက်ပစ္စည်းများ ထောက်ပံ့ပေးအပ်ရေးစီမံကိန်း (ဂျပန်ယန်း ၄၄၄သန်းအထိ) (Project for the Provision of Agricultural Machinery and Construction Equipment in Rural Areas) ဤစီမံကိန်းသည် ချင်းပြည်နယ်နှင့် ဧရာဝတီတိုင်းဒေသကြီးတို့ရှိ ကျေးရွာများ၏ အခြေ ခံ အဆောက်အအုံ မြှင့်တင်ရာတွင် အထောက်အကူဖြစ်စေမည့် စက်ပစ္စည်းများကို ထောက်ပံ့ပေးအပ်ပြီး လယ်ယာစိုက်ပျိုးရေး ထုတ်လုပ်မှုနှုန်းနှင့် ကျေးလက်ဒေသနေ ပြည်သူများ၏ လူနေမှုအဆင့်အတန်း ဖွံ့ဖြိုးတိုးတက်ရေးအတွက် အထောက်အကူဖြစ်စေရန် ရည်ရွယ်ပါသည်။

#Pissaya_General News

Related posts