ဦးရွှေမန်းဦးဆောင်တဲ့ကော်မရှင်ကို သက်တမ်းမတိုးဖို့ လွှတ်တော်ဆုံးဖြတ်

 သူရဦးရွှေမန်းဦးဆောင်တဲ့ ဥပဒေရေးရာနဲ့အထူးကိစ္စရပ်များကော်မရှင်ကို သက်တမ်းတိုးရေး၊ မတိုးရေးနဲ့ပတ်သက်ပြီး ဒီကနေ့ပြည်ထောင်စုလွှတ်တော်မှာ မဲခွဲဆုံးဖြတ်ရာမှာ သက်တမ်း ထပ်မတိုးဖို့ လွှတ်တော်က အတည်ပြုဆုံးဖြတ်လိုက်ပါတယ်။

ဥပဒေရေးရာနဲ့အထူးကိစ္စရပ်များကော်မရှင်ဟာ သက်တမ်းသုံးနှစ်ပြည့်ခဲ့ပြီ ဖြစ်တဲ့အတွက် နောက်ထပ်သက်တမ်းအတွက် လွှတ်တော်ရဲ့သဘောတူညီချက်ရယူတဲ့အခါမှာ ကန့်ကွက်မဲ ၅၅၅ မဲ ရရှိခဲ့ပြီ ထောက်ခံမဲ ၂၀ မဲသာရရှိခဲ့တာဖြစ်ပါတယ်။

အရင်က သူရဦးရွှေမန်းကော်မရှင်ကို တနှစ်တခါ သက်တမ်းတိုးဖို့ လွှတ်တော်မှာ ဆုံးဖြတ်ရာမှာ တပ်မတော်သားလွှတ်တော်ကိုယ်စားလှယ်များသာ ကန့်ကွက်ခဲ့ကြပေမယ့် အခုအခါမှာ အရပ်သားလွှတ်တော်ကိုယ်စားလှယ်များပါ ကန့်ကွက်ခဲ့ကြတာဖြစ်ပါတယ်။

#Pissaya_General News

Related posts