မြန်မာ့လက်ရွေးစင် ယူ၂၂ အသင်း ဂိုးနည်းပြ ဦးဖြိုးကိုကိုလှိုင် ကို နိုင်ငံတကာ ပွဲများတွင် တာဝန်ပေးအပ်ခြင်း မပြုဖို့ စည်းကမ်း ထိန်းသိမ်းရေးကော်မတီ ဆုံးဖြတ်

မြန်မာ့လက်ရွေးစင် ယူ၂၂ အသင်း ဂိုးနည်းပြ ဦးဖြိုးကိုကိုလှိုင်သည် လူမှုကွန်ယက်ပေါ်တွင် ယူ-၂၂ ဘောလုံးအသင်းကို ဝေဖန်ပြစ်တင်သည့် ပရိသတ်များကို မသင့် မလျော် ပြန်လည်တုံ့ပြန်ခဲ့မှု အပေါ် မြန်မာနိုင်ငံ ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မတီမှ ထုတ်ပြန်ချက်တရပ် ထုတ်ပြန်လိုက်ပါတယ်။

ထုတ်ပြန်ချက် အပြည့်အစုံကို အောက်တွင်ဖတ်ရှုနိုင်ပါသည်။

၁။ မြန်မာနိုင်ငံ ဘောလုံး အဖွဲ့ချုပ် အထွေထွေ အတွင်းရေးမှူး၏ တာဝန်ပေးချက်အရ မြန်မာ့လက်ရွေးစင် ယူ၂၂ အသင်း ဂိုးနည်းပြ ဦးဖြိုးကိုကိုလှိုင်သည် လူမှုကွန်ယက်ပေါ်တွင် ယူ-၂၂ ဘောလုံးအသင်းကို ဝေဖန်ပြစ်တင်သည့် ပရိသတ်များကို မသင့် မလျော် ပြန်လည်တုံ့ပြန်ခဲ့မှု အပေါ် မြန်မာနိုင်ငံ ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မတီသည် ၁၉-၂-၂၀၁၉ ရက်နေ့ (၁၄း၀၀)နာရီ အချိန်တွင် အစည်းအဝေး ပြုလုပ်ခဲ့ပြီး အောက်ပါတိုင်း အရေးယူရန် ဆုံးဖြတ်ပါသည်။

ဂိုးနည်းပြ ဦးဖြိုးကိုကိုလှိုင်သည် မြန်မာနိုင်ငံ ဘောလုံး အဖွဲ့ချုပ် ပြိုင်ပွဲကျင်းပရေး စည်းမျဉ်း အပိုဒ်(၇) (က)(ဃ)နှင့်(ည) တို့ကို ကျူးလွန်ခဲ့ပြီး ပရော်ဖက်ရှင်နယ် နည်းပြကျင့်ဝတ်နှင့် ညီညွတ်အောင် ဆောင်ရွက်နိုင်ခြင်း မရှိကြောင်း ပေါ်လွင် ထင်ရှားခဲ့သဖြင့် စည်းကမ်းထိန်းသိမ်းရေးမူ အပိုဒ် (၁၇)နှင့် (၂၀)တို့အရ ၄င်းအား ပရော်ဖက်ရှင်နယ် နည်းပြအနေဖြင့် ပရိသတ်များ၊ ပြည်သူများနှင့် ဆက်ဆံရာတွင် လိုက်နာဆောင်ရွက်ရမည့် ကျင့်ဝတ်များကို လိုက်နာဆောင်ရွက်နိုင်သည် အထိစောင့်ကြည့်ပြီး ယခု လက်တလောအားဖြင့် နိုင်ငံတကာ ပွဲများတွင် တာဝန်ပေးအပ်ခြင်း မပြုရန်။

၂။ သို့ဖြစ်ပါ၍ မြန်မာနိုင်ငံ ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မတီ ဆုံးဖြတ်ချက်အား လိုက်နာပါရန် အကြောင်းကြားပါသည်။

#Pissaya_Sport
Ref:MFF

Photo credit _မြန်မာနဲ့ အင်ဒိုပွဲစဉ်တွင် မြန်မာအတွက် ဂိုးသွင်းယူပေးခဲ့သည့် မြတ်ကောင်းခန့်နှင့် အောင်ပွဲခံ ပုံရိပ်

Related posts